මාධ්‍ය හා බහුමාධ්‍ය සංසදයේ මහසභාව හා නිල ලාංඡන ප්‍රදානෝත්සවය පසුගිය දා...
කෑගලු විද්‍යාලයීය මාධ්‍ය හා බහුමාධ්‍ය සංසදයේ වාර්ෂික මහසභාව හා නිල ලාංඡන ප්‍රදානෝත්සවය ව්‍යවහාර වර්ෂ 2023ක් වූ ජනවාරි මස 05 වන බ්‍රහස්පතින්දා විද්‍යාලයීය ජිනදාස පෙරේරා අනුස්මරණ සම්මන්ත්‍රණ ශාලාවේදී පැවැත්විණි.
විද්‍යාලයීය විදුහල්පති රොහාන් හේමන්ත මැතිඳුන්ගේ ප්‍රධානත්වයෙන් මෙම මහසභා වාරය ආරම්භ විය. මෙහිදී 22/23 වර්ෂ සඳහා වන නව නිළධාරී මණ්ඩලයට නිල ලාංඡන ප්‍රදානය, මාධ්‍ය හා බහුමාධ්‍ය සංසදයේ කමිටු සාමාජිකයන් හා සාමාජිකයන්ට නිල ලාංඡන ප්‍රදානය සිදු කෙරිණි.
මෙහිදී 2022/23 වර්ෂවල සභාපති ධූරයට චේතින් දුන්වර, ලේකම් ධූරයට මාධව බස්නායක, භාණ්ඩාගාරික ධූරයට ඉසුරු මල්ලවආරච්චි පත් විය. තවද, සම සභාපති ධූරයන්ට මියුරු රත්නායක, නිතිල සේනාරත්න, අමිල සචින්ත, ලක්ෂිත එදිරිසිංහ, සුරම්‍ය චිරන්ත, චමෝද් විශ්ව, ශෂික දිල්ශාන් පත් විය.
ජ්‍යේෂ්ඨ කමිටු සාමාජිකයන් ලෙසට සවින්ධ ප්‍රියෂාන්, සහන් සාලින්ද, සුපුන් ඉඳුසර, අරෝෂ නිම්සර, අවිශ්ක හේෂාන්, සඳරු හංසජිත්, රන්දුල ගුණරත්න හා රවිඳු කරුණාරත්න පත් විය.
තවද, 21/22 වර්ෂවල මාධ්‍ය හා බහුමාධ්‍ය සංසදයට දායකත්වය සැපයූ සියලු සාමාජිකයන් හට සාමාජික සහතික පත් ප්‍රදානය ද, මෙහිදී සිදු වුණි.
Comments
Post a Comment