සිංහ රජදහනේ 2022 වර්ණ මෞලි මංගල්‍යය සාර්ථක ව නිමා වේ.

         2022 වසර වෙනුවෙන් ජයග්‍රහණ ලබා ගත් විද්‍යාලයීය ක්‍රීඩකයින් අගයමින් ඉකුත් දෙසැම්බර් 20 වනදා කෑගලු විද්‍යාලයීය වර්ණ ප්‍රදානෝත්සවය මහාචාර්ය ජිනදාස පෙරේරා ප්‍රධාත ශාලාවේදී අති සාර්ථක ව පැවැත්විණ. 

විද්‍යාලයීය ගරු විදුහල්පතිනි N.A.D.R .හේමන්ත මැතිතුමාගේ මග පෙන්වීමෙන් , ක්‍රීඩා හා විෂය සමගාමී කටයුතු පිලිබද නියෝජ්‍ය විදුහල්පති W.A.H.බණ්ඩාර මැතිතුමාගේ සම්බන්ධීකරණයෙන් පැවැත්වු මේ සදහා ප්‍රධාන ආරාධිතයා ලෙස විද්‍යාලයේ කීර්තිමත් ආදි ශිෂ්‍ය යුධ හමුදාවේ හිටපු බල ඝන නායක, මනෝජ් මල්ලවාරච්චි මැතිතුමා සහභාගී විය. එසේම සෙසු ආරාධිතයින් ලෙස පළාත් අධ්‍යාපන අධ්‍යක්ෂ  සේපාල කුරුප්පුආරච්චි මැතිතුමා, කලාප අධ්‍යාපන අධ්‍යක්‍ෂ දර්ශනී ඉද්දමල්ගොඩ මැතිණිය සහ සහකාර පළාත් ක්‍රීඩා අධ්‍යක්‍ෂ උපසාර අලහකෝන් මැතිතුමා ඇතුළු විශාල පිරිසක් සහභාගී වූහ.

වර්ණලාභී සිසු දරුවන්ගේ දෙමාපියන්ගේ ද සහභාගීත්වයෙන් පැවැති මෙහි දී දෙසීයකට ආසන්න සිසු පිරිසක් පූර්ණ වර්ණ,අර්ධ වර්ණ සහ අර්ධ භාගික වර්ණ යන කාණ්ඩ යටතේ වර්ණයෙන් අගයනු ලැබිණ  .

තවද ක්‍රීඩා භාර ආචාර්ය භවතුන් සහ ක්‍රීඩා පුහුණුකරුවන් ඇගයීමද මෙහි දී සිදුවිය.